Cloud Front
bpl

بنگلہ دیش پریمیر لیگ مالی تنازعات کے بعد ایک اور سکینڈل کی زد میں

بنگلہ دیشی کرکٹرز کے بعد پاکستانی کرکٹر کی جانب سے لڑکی کو ہوٹل میں بلائے جانے کا انکشاف

ڈھاکہ: بنگلہ دیش پریمئرلیگ ایک بارپھر سکینڈلز کی زد میں آچکی ہے ،ایونٹ میں مالی تنازعات کا معاملہ ابھی مکمل طورپر ختم ہی نہیں ہوا کہ خواتین مہمانوں کوکھلاڑیوں کی جانب سے ہوٹل کمروں میں بلانے کا تنازعہ کھڑا ہوگیاہے۔گزشتہ دنوں لیگ کی جانب سے دومقامی انٹرنیشنل کرکٹرزالامین حسین اور صابررحمن پر بھاری جرمانے عائد کئے گئے تھے جس کی وجہ انکی جانب سے خواتین مہمانوں کو ہوٹل کے کمرے میں بلاناتھی۔اطلاعات کے مطابق لیگ انتظامیہ کی جانب سے روکے جانے کے باوجود ایک پاکستانی کرکٹرنے ایک لڑکی کو ہوٹل میں بلایا جس کی اطلاع ملتے ہی انتظامیہ حرکت میں آگئی۔

جس کے بعد نہ صرف لڑکی کو ہوٹل کے کمرے سے باہر نکالاگیا بلکہ کھلاڑی کی سرزنش بھی کی گئی۔بی پی ایل انتظامیہ نے پہلے ہی تنازعات سے بھری لیگ کونئے تنازعے سامنے آنے پر معاملے کو دبا دیا گیا مگر خبر میڈیا تک پہنچنے کے بعد اب یہ کوشش کی جارہی ہے کہ لڑکی کو ہوٹل کے کمرے میں بلانے والا پاکستانی کرکٹر کون تھا اس حوالے سے تحقیقات جاری ہیں