Cloud Front
Aizaz Ch

حکومت نے اعزاز چوہدری کو امریکہ میں سفیر تعینات کرنے کی منظوری دیدی

سیکرٹری خارجہ نے اقوام متحدہ میں چھ سال پاکستان کی نمائندگی کی، وہ بہت منجھے ہوئے سفارتکار سمجھے جاتے ہیں،رپورٹ

اسلام آباد: سیکرٹری خارجہ اعزاز چوہدری کو امریکہ میں سفیر تعینات کرنے کی منظوری دیدی گئی ، وہ جلد اپنی ذمہ داریاں سنبھالیں گے ،اعزاز چوہدری نے اقوام متحدہ میں چھ سال پاکستان کی نمائندگی کی، وہ بہت منجھے ہوئے سفارتکار سمجھے جاتے ہیں۔میڈیا رپورٹس کے مطابق حکومت نے اعزاز چوہدری کو امریکہ میں پاکستانی سفیر تعینات کرنے کی منظوری دے دی ہے جو اس وقت سیکریٹری خارجہ کے فرائض سرانجام دے رہے ہیں ۔اعزاز چوہدری نے اقوام متحدہ میں چھ سال پاکستان کی نمائندگی کی ہے اور وہ بہت منجھے ہوئے سفارتکار سمجھے جاتے ہیں ۔

واضح رہے کہ امریکہ میں تعینات پاکستانی سفیر جلیل عباس جیلانی کی مدت ملازمت کچھ دنوں بعد پوری ہو جائے گی جس کے بعد اعزاز چوہدری جلد ہی اپنی ذمہ داریاں سنبھال لیں گے ۔مبصرین کا خیال ہے کہ امریکی ایڈمنسٹریشن کی تبدیلی کے بعد پاکستان کو بھی بہت سے ایشوز پر امریکہ سے ایک نئے سرے سے بات شروع کرنا ہو گی اور بات چیت کے ذریعے باہمی اختلافات کو دور کرنا ہو گا ۔ان کا کہنا ہے کہ ٹرمپ ایڈمنسٹریشن کے ساتھ کام کرنے کے لیے اعزاز چوہدری کا کردار بہت اہمیت کا حامل ہے ۔