Cloud Front

اداکارہ جیکولین فرنینڈس صحافت کی دلدادہ نکلیں

شوبز میں آنے قبل سری لنکا کے ایک نجی ادارے کیلئے رپورٹنگ کرتی رہی،اداکارہ

ممبئی: بھارتی اداکارہ جیکولین فرنینڈس نے کہا کہ رپورٹنگ کے دنوں کو یاد کرتی ہوں کیونکہ اس میں ہر روز ایک نیا ایڈونچر ہوتا تھا۔جیکولین فرنینڈس نے انکشاف کیا کہ وہ شوبز میں آنے سے پہلے سری لنکا میں رپورٹر کے طور پر کام کرتی رہی ہیں۔

جیکو لین نے سری لنکا سے صحافت کی تعلیم حاصل کی اور پھر وہاں ایک نجی ادارے میں رپورٹر کی حیثیت سے فرائض سرانجام دیے۔اداکارہ نے کہا کہ رپورٹنگ کے دنوں کو یاد کرتی ہوں کیونکہ اس میں ہر روز ایک نیا ایڈونچر ہوتا تھا۔ انہوں نے بتایا کام پر جا کر تازہ ترین خبروں کو تلاش کرنا اور اپنی ٹیم کے ساتھ پرفارم کرنا، یہ سب کسی جاسوسی کے کام کی طرح تھا۔