Cloud Front
ICC

آئی سی سی نے نئی ٹیسٹ رینکنگ جاری کر دی

بھارت کے روندرا جدیجہ نمبر ون باؤلر، بیٹسمینوں میں اسٹیو اسمتھ کا پہلا نمبر برقرار،پاکستانی کھلاڑیوں اظہر علی اور یونس خان کو بغیر کھیلے ہی ترقی مل گئی
ٹیم میں بھارت پہلی، آسٹریلیا دوسری، جنوبی افریقا تیسری جبکہپاکستان چھٹے نمبر پر موجود

دبئی: انٹرنیشنل کرکٹ کونسل (آئی سی سی) کی جانب سے ٹیسٹ پلیئرز کی نئی رینکنگ جاری کر دی گئی۔آئی سی سی کی جانب سے جاری کی گئی رینکنگ کے مطابق بھارت کے روندرا جدیجہ نمبر ون باؤلر ہیں جبکہ بیٹسمینوں کی رینکنگ میں اسٹیو اسمتھ کا پہلا نمبر برقرار ہے۔پاکستانی کھلاڑیوں اظہر علی اور یونس خان کو بغیر کھیلے ہی ترقی مل گئی۔آسٹریلیا کے خلاف رانچی ٹیسٹ میں 9 وکٹیں لینے والے روندرا جدیجہ کو بڑا انعام مل گیا اور وہ رینکنگ میں آر ایشون کو پیچھے چھوڑ کر نمبرون باؤلر بن گئے۔آر ایشون دوسرے اور رنگانا ہیراتھ تیسرے نمبر پر چلے گئے۔

باؤلرز رینکنگ میں کوئی پاکستانی ٹاپ 15 میں موجود نہیں جبکہ یاسر شاہ کا 16 واں نمبر ہے۔بیٹنگ رینکنگ میں اسٹیو اسمتھ کا پہلا نمبر برقرار ہے جبکہ رانچی ٹیسٹ میں ڈبل سنچری بنانے والے چھتیسور پوجارہ نے 4 درجے ترقی کرکے دوسری پوزیشن پر قبضہ کر لیا۔بیٹسمینوں کی رینکنگ میں جو روٹ تیسرے، ویرات کوہلی چوتھے اور کین ولیم سن پانچویں نمبر پر موجود ہیں۔پاکستان کے اظہر علی نے ایک درجے ترقی کے بعد چھٹی اور یونس خان نے ساتویں پوزیشن حاصل کرلی۔ٹیم رینکنگ میں بھارت کی پہلی، آسٹریلیا کی دوسری اور جنوبی افریقا کی تیسری پوزیشن برقرار ہے۔پاکستان 97 پوائنٹس کے ساتھ چھٹے نمبر پر موجود ہے۔